Dangakara Mora Petiya

දඟකාර මෝර පැටියා

ලියන්නේ  උපුල් ගුරුගේ     අඳින්නේ චන්දන සමරකෝන්

වයස අවුරුදු අටක මට්ටමේ හෝ දක්ෂ ළමයින් නම් ඊට අඩු වයස් මට්ටමක් සඳහා වුවද ඉදිරිපත් කළහැකි  ළමා පොතක් ලෙස මෝර පැටියා හඳුන්වා දිය හැක. මුහුදු පතුල පසුතලය කරගත් කතාන්දරයක් වන මෙහි කථා වස්තුව තේරුම් ගැනිම දරුවා ගේ ජීවන පරිසරය මත තරමක් රඳා පවතී. එනම් මුහුද පිළිබඳ අත්දැකීම් ඌණ දරුවන් මෙම පොත  ප්‍රතික්ෂේප කිරීමට ඉඩ ඇත. මෙහි එන කථා වස්තුව මානව සමාජයේ සිද්ධි මාලාවක් මත්ස්‍ය චරිත උපයෝගී කරගනිමින් හුවා දැක්වීමට කරන ලද උත්සාහයකි. අදාල පරිසරයට මනසින් ලඟාවීමට හැකියාව ඇති දරුවන්ට විචිත්‍ර ව ගලායන කතාන්දරයකි.උච්ඡතම අවස්ථාව තෙක් හොඳින් ගලායන කතාන්දරය ුවසාන මොහොතේදී අහඹු අනුකම්පාවක් නිසා කථානායකයා(මෝර පැටියා) බේරා ගැනීමට ලේඛකයා යොමුවී ඇත. කෙසේ නමුදු බූවල්ලා ආච්චියෙක් ලෙස දෙන දායකත්වය  එතරම් අදාල නොවන බව පෙනේ.

විශිස්ඨ චිත්‍ර රාහියකින් යුක්තවන නිසා මෙන් ම ඉලක්ක කණ්ඩායම රූප කියවීමට කැමති වයස් මට්ටමක වන  නිසා චිත්‍ර ශිල්පියා මෙම පොතට ඉමහත් සේවයක් ඉටුකරයි.වර්ණ සංකලනය හා පිටු සැලැස්ම  ආකෘතිය අසස් මට්ටමක ඇත.

යොදා ගත් වාක්‍ය තරමක් දිගු වීම දුර්වල ලක්ෂණයකි. එහෙත් යෙදාගත් කථන භාෂාව නිසා එයින් සිදුවන බලපෑම තරමක් නිශේධ වී තිබේ. භාෂාව හොඳින් හසුරුවා ඇතද අභියෝග හෝ නව්‍ය වචන හඳුන්වා දී නැත.පොතෙහි නිමාව  හා අන්තර්ගතය සැලසුම් කිරීම  ඉතා හොඳ මට්ටමක පවතී.  පිට කවරයේ යොදාගත් කවුලුව  වඩාත් ආකරෟශණීය බවක් එක්කර ඇත.

සමස්ත වශයෙන් ගත්කල දරුවන්ට කියවිම සඳහා මිළදී ගැනීමට සුදුසු පොතක් ලෙස සැළකිය හැකිය.

Symposium on Information Literacy was conducted by National Institute of Library and Information Science on July 12th. This  paper presented at the conference

photosofbirdsofsrilanka: Barn Swallow - Hirundo rustica, Hewainna, Avissawe...

photosofbirdsofsrilanka: Barn Swallow - Hirundo rustica, Hewainna, Avissawe...: Video:- http://www.youtube.com/watch?v=som3Cn9Q74s

ඉබි පැටියා

ඉබි පැටියා

ලියන්නේ ගීතිකා සෙනෙවිරත්න.

අඳින්නේ ජයන්ත රන්දෙනිය

කතෘ ප්‍රකාශනයක් ලෙස එළිදකින ඉබිපැටියා ළමා කතාව  සාමාන්‍ය යෙන් 3 හා  4 ශ්‍රේණිවල සිසුන් ගේ කියවීම් මට්ටම ස්පර්ශ කරයි. ලංකාවේ සාමාන්‍ය යෙන් දක්නට ලැබෙන කොයි ළමයාටත් සුදුසු මොඩලයන් ලෙස දක්වන එහෙත් මොනම ළමයෙකුටවත් නොගැලපෙන ළමා කතාන්දර මොඩලයෙන් ඉවත්වීමට ගෙන ඇති ප්‍රයත්නය අගය කල යුතුය.

කතාන්දරයේ එන චරිත කිහිපයකි.රුවන්, දිලීප සහ සාමා ළමා චරිත තුනක් වන අතර ඉබිපැටියා මෙහි එන සත්ව චරිතයකි.අම්මා, තාත්තා, ආච්චි, සීයා සහ සෝමා නැන්දා සෙසුචරිත වේ.කථාවේ ප්‍රධාන චරිතය දිලීප සහ ඉබි පැටියා අතර බෙදීයන බවක් හෝ ප්‍රධාන චරිතය ඉස්මතුකිරීමට ලේඛකයා අපොහොසත් වූවාදැයි සැකයක් හටගනී.ගෙවත්තේ බයිසිකලය පදිද්දී හමුවන ඉබිපැටියා සුරතලකු ලෙස නිවසේ සාමාජිකයෙක් බවට පත්කරගැනීමට දිලීප කරන උත්සාහය සහ ඊට ඉබිපැටියා යහපත් ලෙස ප්‍රතිචාර නොදැක්වීම නිසා කථාවට ගැටුමක් නිර්මාණය වේ. ගැටුමේ ප්‍රතිඵලය වන්නේ ඉබිපැටියා අතුරුදන්වීමයි.කථා කරුවා ගැටළුව නිර්මාණය කරනුයේ ඉබිපැටියා  නැවත ගෙන්වා ගැනීමේ උත්සාහයන් සමඟයි.කථාකරුවා දිලීපට නැවුම් ප්‍ර වේශයන් ලබා දෙමින් ඉබිපැටියා සඳහා මං සලකුණු සකස් කරන අතර  එය චිත්‍රප්‍රදර්ශණයක් බවට පත්කිරීමෙන් පාඨකයා අතරමං කරයි.

මෙම කෘතිය සඳහා චිත්‍ර නිර්මාණය කරමින් ජයන්ත රංදෙනිය කෘතිය උදෙසා මහඟු මෙහෙවරක් ඉටු කරයි.මෙහි එන ඉබි පැටියා චිත්‍රය උසස් ළමා සාහිත්‍ය වටිනාකමකින් යුක්ත බව පෙනේ. දරුවන් ප්‍රිය  කරන වර්ණ යොදාගනිමින්  සහ අදාල පරිදි  අන්තර්ගතය හා රූපය එකම පිටුවට ගලපා ගනිමින් චිත්‍ර යොදා ඇත. එකම බයිසිකලය බෙදා හදා ගැනීම, දුකේදී එක්ව විසඳුම් සෙවීම, වැනි සමාජමය අගයයන් අත්සාහයකින් තොරවම නිරූපණය වේ.  දරුවා ඉබි පැටියාගේ රුචිකත්වයන් සොයාගැනීමට දරන උත්සාහය හොඳින් නිරූපණය වි ඇති බව පැවසිය යුතුමය.

භාෂා භාවිතය පිළිබඳවද සමස්ථ වශයෙන් හොඳ මට්ටමක පවතී. කතුවරිය බබා යයි පදයක් භාවිතා කිරීම කොතරම් උචිතද යන්න සළකා බැලිය යුතුය. මන්ද බබා යනු දරුවන්ගේ වචනයක් නොවේ. එය දරුවන් උදෙසා වැඩිහිටියන් යොදන වදනකි.

මෙහි අන්තර්ගතය තුල එන  මං සලකුණු සොයා ඉබි පැටියාගේ ආගමනය දරුවන්ගේ විවේචනයට ලක්විය හැකියයි මේ ලියන මා සිතූ නමුදු පරීක්ෂාවට ලක්වූ සිසුන් අතරින් එවන් ප්‍රතිචරෙ නොලද බවද සටහන් කරමි.

ආර්. හච්. එන්. නන්දසිරි

R H N Nandasiri

Research  Team member of  National Institute of Library and Information Science, University of Colombo

DDE , School Library development Unit, Ministry of Education